„ეტალონისა" და izrune.ge-ს დამფუძნებელ გოჩა ტყეშელაშვილსა და სოხუმის სახელმწიფო უნივერსიტეტის რექტორს, პროფესორ ზურაბ ხონელიძეს შორის ურეთიერთთანამშრომლობითი შეხვედრა გაიმართა.
„შეხვედრაზე განიხილეს სოხუმის სახელმწიფო უნივერსიტეტის სტრატეგიული ხედვა – „ეროვნული, რეგიონული და გლობალური მშვიდობისათვის“.
როგორც გოჩა ტყეშელაშვილმა აღნიშნა: „ჩვენ გვაქვს ეს ფორმულა სამხრეთ კავკასიაში მშვიდობის უზრუნველყოფისა და წარმატებული განვითარებისთვის. მისი განხორციებისთვის მხოლოდ საქართველოს, სომხეთისა და აზერბაიჯანის ხელისუფლების მტკიცე ჩართულობაა საჭირო“.
შეხვედრისას განსაკუთრებული ყურადღება დაეთმო იმ მრავალწლიან ურთიერთობას, რომელიც სსუ-სა და „ეტალონს" შორის ჩამოყალიბდა.
როგორც სოხუმის სახელმწიფო უნივერსიტეტის რექტორმა აღნიშნა, ამ ურთიერთობის განმტკიცების შედეგად თანამშრომლობა ახალ, უფრო მაღალ საფეხურზე გადადის, რაც მნიშვნელოვან წვლილს შეიტანს ქვეყნის ერთიანობის განმტკიცებაში“, - აღნიშნულია სოხუმის სახელმწიფო უნივერსიტეტის მიერ გავრცლებულ ინფორმაციაში.
