რუსლან წულაძის სახელობის ლანჩხუთის მუნიციპალიტეტის სოფელ ქვიანის საჯარო სკოლაში სასწავლო წელი სავსეა მრავალფეროვანი საგანმანათლებლო ღონისძიებებით.
რა თქმა უნდა, მოსწავლე-მასწავლებელთა ყურადღების მიღმა არ დარჩენილია ილია ჭავჭავაძის დაბადებიდან 187-ე წლისთავი. ეს გამორჩეული თარიღი სკოლაში განსაკუთრებულად აღინიშნა.
ღონისძიება - „ილია ჭავჭავაძე, როგორც ორატორი“ 8 ნოემბერს გაიმართა და მეტად შთამბეჭდავად წარიმართა.
ღონისძიება მიეძღვნა ილია ჭავჭავაძის ცხოვრებასა და მოღვაწეობას და მიზნად ისახავდა მოსწავლეებში ცნობიერების ამაღლებას ილიას, როგორც ორატორის შესახებ.
ძირითადი აქცენტი გაკეთდა, ილია წინამძღვრიშვილის დაარსებული სკოლის გახსნაზე ილიას წარმოთქმულ სიტყვაზე. გამოსვლაზე, რომელიც საუკუნოდ დარჩა ქართველი ხალხის ცნობიერებაში.
მოსწავლეებმა ციტატების სახით წარმოთქვეს სიტყვები ამ გამოსვლიდან.
მხატვრული ორატორობით გააჟღერეს მისი ლექსები.
კიდევ ერთხელ აღნიშნეს, ილიას როლი და მნიშვნელოვნება, როგორც არა მხოლოდ მწერლისა და პოეტის, არამედ როგორც საზოგადო მოღვაწისა.
ღონისძიებას ორგანიზება პედაგოგებმა - ეკა ჩიჩუამ და თამილა ასკურავამ გაუწიეს.
იხილეთ ფოტოები:
