ქობულეთის მუნიციპალიტეტის სოფელ გვარას საჯარო სკოლის პედაგოგები მოსწვლეებს ილია ჭავჭავაძის იდეალებზე ზრდიან. შესანამისად დიდი ქართველი მწერლის დაბადების დღე სკოლაში განსაკუთრებული სულისკვეთებით აღინიშნა. ამ გამორჩეულ თარიღს სკოლაში კვირეული მიეძღვნა.
ერის მამა, ერის ღირსეული შვილი და გულშემატკივარი, ერის გადარჩენისთვის მებრძოლი - ეს საკითხები გასდევდა ლაიტმოტივად ჩატარებულ ღონისძიებას.
მოსწავლეებმა კიდევ ერთხელ გაიაზრეს, რომ ილია იყო, არის და იქნება ერის საამაყო შვილი, სამშობლოს მხურვალე პატრიოტი.
აღსანიშბავია, რომ კვირეულის გეგმა ქართული ენისა და ლიტერატურის მასწავლებლებმა - მზია გოხიძემ და ჟუჟუნა ოქროპირიძემ შეიმუშავეს.
მათ აქტიურად ეხმარებოდა სკოლის ბიბლიოთეკარი მელანო ზოიძე.
სასკოლი ღონისძიებაში აქტიურად იყვნენ ჩართულნი დაწყებითი და საბაზო საფეხურის მოსწავლეები.
