მარტვილის მუნიციპალიტეტის სოფელ ბალდის საჯარო სკოლა მოსწავლეებს ხარისხიან განათლებას აძლევს, რაც მოსწავლეთა სასწავლო შემართებასა და აკადემიურ მიღწევებზე აისახება.
ახლახან, სწავალაში მიღწეული წარმატებისთვის ბალდის საჯარო სკოლის მე-10 კლასის წარჩინებული მოსწავლეები - თენგო და ლუკა წულაიები დასაჩუქრდნენ.
მარტვილში, გივი ელიავას სახელობის მხარეთმცოდნეობის მუზეუმში, პროგრამა „ჩემი პირველი კომპიუტერის“ ფარგლებში, 2023-2024 სასწავლო წლის საბაზო საფეხურის წარჩინებული მოსწავლეები პერსონალური კომპიუტერებით დაჯილდოვდნენ.
საჩუქრები მოსწავლეებს მარტვილის მუნიციპალიტეტის მერმა - თორნიკე ჯანაშიამ, მერის მოადგილესთან გივი ელიავასთან და საგანმანათლებლო რესურსცენტრის ხელმძღვანელთან პაშა გულორდავასთან ერთად გადასცა.
პროგრამას - „ჩემი პირველი კომპიუტერი“, საქართველოს განათლების, მეცნიერებისა და ახალგაზრდობის სამინისტრო ახორციელებს.
პროგრამის მიზანს მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლების მეთოდების გაძლიერება წარმოადგენს.
ბალდის საჯარო სკოლის პედაგოგიური კოლექტივი წარმატებებს უსურვებს მოსწავლეებს.
იხილეთ ფოტოები:
