ქობულეთის მუნიციპალიტეტის სოფელ ჩაისუბნის N2 საჯარო სკოლაში მოსწავლეთა ჩართულობა არაფორმალური განათლების პროექტებში წახალისებული და მხარდაჭერილია. მოსწავლეებიც აქტიურობით გამოირჩევიან და სხვადასხავა კონკურსსა თუ საგანმანათლებლო ღონისძიებაში წარმატებით მონაწილეობენ. 

ახლახან, სკოლის მოსწავლეები ჯემალ ქათამაძის სახელობის ლიტერატურულ კონკურსში მონაწილეობდნენ. მოზარდები კონკურსში წარმატებული მონაწილეობისთვის მადლობის სიგელებით დაჯილდოვდნენ. ამასთან, მე-12 კლასის მოსწავლე ლიკა ჭაღალიძემ კონკურსში მე-3 ადგილი მოიპოვა და ფასიანი საჩუქარი გადაეცა.

მოსწავლეთა ქართული ენისა და ლიტერატურის მასწავლებელი ნტალია შოთაძე გახლავთ, რომელიც მოსწავლეთა როგორც საგნობრივ ცოდნაზე, ისე მათ შემოქმედებით განვითარებაზე ზრუნავს. 

იხილეთ ფოტოები: