ქობულეთის მუნიციპალიტეტის სოფელ ქვედა კვირიკეს საჯარო სკოლაში მოსწავლეთა მრავალმხრივ განვითარებას მნიშვნელოვანი ყურადღება ექცევა. აღსანიშნავია, რომ სკოლაში ფუნქციონირებს ინტელექტ-კლუბი „რა? სად? როდის?“. 

ისტორიის მასწავლებელი სულხან შაქარიშვილი, როგორც სკოლაში გვიყვებიან, მოსწავლეებს სთავაზობს მსგავსი ტიპის ინტელექტუალურ შეჯიბრებებს.

ამჯერად, მოსწავლეებმა აჭარის ინტელექტ-კლუბის ჩატარებულ თამაშში - „რა? სად? როდის?“ იასპარეზეს წარმატებით. 

მოსწავლეებმა: ნიკა ძირკვაძემ, გიორგი ჩელებაძემ, სოფია შაქარიშვილმა, ლიზი ლაზიშვილმა, ანრი ბოლქვაძემ და სანდრო ზოიძემ თამაშში II ადგილი დაიმსახურეს.

სასკოლო საზოგადოება მათ ამ წარმატებას ულოცავს და მომავალში კიდევ ბევრ გამარჯვებას უსურვებს.