ახალციხის მუნიციპალიტეტის სოფელ მინაძის საჯარო სკოლის მოსწავლები ხალისით ეუფლებიან ვოკალურ ოსტატობას, ხალხურ საკრავებზე დაკვრასა და ფოლკლორულ ტრადიციებს.
სკოლაში შეიქმნა მუსიკის უფასო წრე სახელწოდებით - „ქართული ფოლკლორი“.
როგორც სკოლაში გვეუბნებია, საწრეო მუშაობის მიზანი, იყო საქართველოს კუთხეების, მუსიკალური კულტურის, ხალხური სიმღერის, ცეკვისა და მუსიკალური საკრავების შესახებ, ინტერესების და ცოდნის უფრო მეტად გამდიდრდება, გაღრმავება. მუსიკალური უნარ-ჩვევების წარმოჩენა, განვითარება და კულტურულ მსმენელად ჩამოყალიბება.
26 ნოემბერს, მოეწყო მუსიკის წრის მუშაობის შეჯამება-პრეზენტაცია. ცოდნის გამთლიანების გარდა, მოსწავლეებმა დაამზადეს რესურსები: საქართველოს რუკა მუსიკალური ინსტრუმენტების გავრცელების არეალით და კროსვორდი.
მოსწავლეთა და მასწავლებელთა ერთობლივად შესრულებულმა მესხურმა სიმღერამ - „მამლი მუხასა“ დიდი მოწონება დაიმსახურა.
დასასრულს კი სასკოლო საზოგადოებამ დადებითად შეაფასა წრის მუშაობა.
იხილეთ ფოტოები:
