ეროვნულ სასწავლი გეგმაში განსაზღვრულია რას გულისხმობს სწავლის შედეგი და რის მიხედვით განისაზღვრება.
დოკუმენტში, რომელიც სკოლებისთვისთვის ერთგვარ სახელმძღვანელოს წარმოადგენს, აღნიშულია, რომ სწავლის შედეგები განისაზღვრება საფეხურის დონეზე და ურთიერთდაკავშირებულად რეალიზდება/მიიღწევა სასწავლო თემების ფარგლებში.
საგნის საფეხურებრივი შედეგები მოიცავს შემდეგ კომპონენეტებს:
- საგნობრივ ცოდნას;
- ფუნქციურ-კომპონენტურ უნარებს;
- აღმზრდელობით-ღირებულებით ასპექტს/ასპექტებს.
სასწავლო პროცესში შუალედური სასწავლო მიზანი განისაზღვრება ისეთი დავალების სახით, რომელიც წარმოადგენს შემოქმედებით პროდუქტს და რომლის საშუალებითაც მოსწავლე საგნობრივ საკითხთან/საკითხებთან მიმართებით საკუთარ ცოდნას წარმოაჩენს. შედეგი მიღწეულად მიიჩნევა, როცა მოსწავლეს შეუძლია საგნობრივ საკითხთან დაკავშირებული ფაქტებისა და მოვლენების კრიტიკულად და ურთიერთდაკავშირებულად გააზრება, გაანალიზება და სხვადასხვა სიტუაციაში გამოყენება.
