ფინანსთა მინისტრის მოადგილემ გიორგი კაკაურიძემ პარლამენტში პლენარულ სხდომაზე განათლებისა და მეცნიერების სამინისტროს ბიუჯეტზე ისაუბრა და აღნიშნა, რომ დონორების მიერ პროგრამების დაფინანსება 28 მილიონი ლარით არის შემცირებული.

მისივე თქმით, 65 მილიონი ლარით იზრდება სკოლების დაფინანსების მიმართულება.

„განათლებისა და მეცნიერების სამინისტროს ნაწილში ჯამური დაფინანსება იზრდება 37 მილიონი ლარით, თუმცა დაახლოებით 65 მილიონი ლარი გვაქვს სკოლების დაფინანსების ნაწილში ზრდა, ხოლო დონორების დაფინანსებულ პროექტებში გვაქვს 28 მილიონიანი შემცირება“, - განაცხადა კაკაურიძემ.