წყალტუბოს N2 საჯარო სკოლის მოსწავლეთა გუნდი მინი ფეხბურთში, მუნიციპალური თამაშების გამარჯვებულია
13-12-2024
მამუკა სამაკაშვილის სახელობის ქალაქ წყალტუბოს N2 საჯარო სკოლაში მოსწავლეთა სპორტული ცხოვრება წახალისებულია, ჯანსაღი ცხოვრების წესის პოპულარიზაციას კი მნიშვნელოვანი ყურადღება ექცევა, რაც მოსწავლეთა სპორტულ მიღწევებზე აისახება.
წყალტუბოში, სასკოლო სპორტული ოლიმპიადის ფარგლებში, გაიმართა მუნიციპალური თამაშები მინი ფეხბურთში, ვაჟებს შორის, სადაც გამარჯვებული გახდა მამუკა სამაკაშვილის სახელობის ქალაქ წყალტუბოს N2 საჯარო სკოლის ფეხბურთელთა გუნდი.
მოსწავლეები მონაწილეობას მიიღებენ რეგიონალურ გათამაშებაში და დაიცავენ ქალაქის სახელს.
სკოლაში მოსწავლეთა წარმატებით ამაყობენ და გამარჯვებას უსურვებენ.
„წარმატებები ჩვენს ფეხბურთელებს“,- სიხარულით აღნიშნავენ სკოლაში.
იხილეთ ფოტოები:
სკოლების სიახლეები
