სენაკის მუნიციპალიტეტის სოფელ ნოქალაქევის საჯარო სკოლის ხარისხის მართვის ჯგუფი მორიგ საჩვენებელ გაკვეთილს დააკვირდა.
ახლახან, ნოქალაქევის საჯარო სკოლის მე-3 კლასში ჩატარდა საჩვენებელი გაკვეთილი ინგლისურ ენაში, რომელსაც მასწავლებელი მაია კანკავა ხელმძღვანელობდა.
გაკვეთილი მეტად საინტერესოდ წარიმართა და გაჯერებული იყო მრავალფეროვანი აქტივობებით.
მოსწავლეებმა განამტკიცეს და პრაქტიკაში გამოიყენეს საკლასო ოთახში არსებულ ნივთებთან დაკავშირებული ლექსიკა. მოისმინეს და წაიკითხეს დიალოგები, იმღერეს ინგლისური სიმღერა, წერილობით აღწერეს მათი საკლასო ოთახი.
მოსწავლეები ხალისითა და დიდი ინტერესით ასრულებდნენ გაკვეთილზე განხორციელებულ აქტივობებს.
გაკვეთილს ესწრებოდა სკოლის დირექტორი ნანა ჯგერენაია და ხარისხის მართვის ჯგუფის წევრი ელენე ბაღათურია.
აღსანიშნავია, რომ ხარისხის მართვის ჯგუფი სემესტრის ბოლოს საგაკვეთილო პროცესს აკვირდება და მასწავლებლებს განმავითარებელ უკუკავშირს აძლევს.
იხილეთ ფოტოები:
