ახალი წლის დღესასწაულისთვის თბილისის საბავშვო ბაღების თანამშრომლები ხელფასის ოდენობის დანამატს მიიღებენ, - აღნიშნული ინფორმაცია etaloni.ge-ს თბილისის ბაგა-ბაღების მართვის სააგენტოში დაუდასტურეს.

აღსანიშნავია, რომ 2024-2025 სააღმზრდელო წლისთვის, ოფიციალური სტატისტიკური მონაცემებით, 6375 აღმზრდელ-პედაგოგი, აღმზრდელის თანაშემწე, ინკლუზიური განათლების სპეცპედაგოგია, თუმცა წახალისება არა მხოლოდ მათზე, არამედ თბილისის ბაღებში დასაქმებულ ყველა თანამშრომელზე გავრცელდება.

ასე რომ საახალწლოდ, თბილისის ბაღების თანამშრომლები ხელფასის 100 პროცენტს მიიღებენ წახალისების სახით.