ყვარლის მუნიციპალიტეტის სოფელ გრემის საჯარო სკოლაში ინფორმაციული და საკომუნიკაციო ტექნოლოგიების ხარისხიან სწავლებასა და მოსწავლეთა საჭირო უნარებით აღჭურვას მნიშვნელოვანი ყურადღება ექცევა, რაც მოსწავლეთა შესაძლებლობებზე აისახება.
22 დეკემბერს, საქართველოს უნივერსიტეტში ჩატარდა საქართველოს რეგიონის ვიზუალური პროგრამირების ოლიმპიადის - HOUR OF CODE 2024-ის ფინალური რაუნდი, რომელშიც მონაწილეობდნენ გრემის საჯარო სკოლის მე-5 კლასის მოსწავლეები: გოგა ბარბაქაძე, მარია მათიაშვილი და ბარბარე ხეჩიაშვილი.
აღნიშნულ ოლიმპიადაზე გოგა ბარბაქაძემ მოიპოვა ბრინჯაოს მედალი.
სკოლაში მოსწავლეთა აქტიურობა ახარებთ.
„მადლობა, მასწავლებელს ნატო ქიტესაშვილს, მადლობა ბატონ დავით ნოზეძეს და RoCo Academy-ს ამ ოლიმპიადის ორგანიზებისთვის“,- აღნიშნავენ სკოლაში და მოსწავლეთა ჩართულობას არაფორმალური განათლების პროექტებში ახალისებენ.
იხილეთ ფოტოები:
