ხარაგაულის მუნიციპალიტეტის სოფელ ნადაბურის საჯარო სკოლაში წინასაახალწლო ჟრიამულია. სასკოლო და საკლასო გარემო ლამაზად, დეკორაციებით მოირთო. საახალწლო სამზადისში მოსწავლე-მასწავლებლები დიდი მონდომებითა და ენთუზიაზმით იყვნენ ჩართულნი.
სკოლაში, საახალწლო კვირეული გრძელდება. სკოლაში, გრანდიოზული საახალწლო კარნავალი წარადგინეს VII-XII კლასების მოსწავლეებმა და მასწავლებელმა - თეონა წიქარიშვილმა.
კარნავალი, როგორც სკოლაში აღნიშნავენ, ძალიან სახალისო და მრავალფეროვანი ნომრებით იყო დატვირთული, რომლებშიც ბავშვები ხალისით მონაწილეობდნენ. მათ შემოქმედებითი უნარები შესანიშნავად წარმოაჩინეს, დრო კი ნაყოფიერად გაატარეს.
ეს დღე ძალიან საინტერესო და დასამახსოვრებელი აღმოჩნდა იქ მყოფი თითოეული ადამიანისთვის.
სკოლაში, კარნავალის ხელმძღვანელს, თეონა წიქარიშვილს და მის გუნდს ლამაზი დღისთვის მადლობას უხდიან.
სასკოლო საზოგადოება მოსწავლეთა შემოქმედებითი უნარების წარმოჩენა-განვითარებას მნიშვნელოვან ყურადღებას აქცევს.
იხილეთ ფოტოები:
