ყვარლის მუნიციპალიტეტის სოფელ საბუეს საჯარო სკოლაში ინფორმაციული და საკომუნიკაციო ტექნოლოგიების ხარისხიან სწავლებას მნიშვნელოვანი ყურადღება ექცევა. დირექცია და პედაგოგები მოსწავლეთა 21-ე საუკუნეში საჭირო უნარებით აღჭურვაზე ზრუნავენ, შესაძლებლობების წარმოსაჩენად კი მათ ჩართულობას არაფორმალური განათლების პროექტებში ახალისებენ.
22 დეკემბერს, საქართველოს უნივერსიტეტში, დავით ნოზაძის და RoCo Academy-ს ორგანიზებით, ჩატარდა საქართველოს რეგიონის ვიზუალური პროგრამირების ოლიმპიადა HOUR OF CODE 2024 - ის ფინალური რაუნდი, რომელშიც მონაწილეობდა 297 მოსწავლე. მათ შორის იყო, ყვარლის მუნიციპალიტეტის სოფელ საბუეს საჯარო სკოლის მოსწავლე - ნიკა ხარებაშვილი, რომელმაც მოიპოვა მე-3 ადგილი.
ნიკა ნოზაძე დაჯილდოვდა ბრინჯაოს მედლით და სერტიფიკატით. ასევე, დაჯილდოვდა მისი მენტორი მასწავლებელი ნატო ქიტესაშვილი, მედლითა და სერტიფიკატით.
„ვულოცავთ, მასწავლებელს და მოსწავლეს ამ წარმატებას და ვუსურვებთ კიდევ მრავალ წინსვლას ცოდნის ასპარეზზე“,- აღნიშნავენ სკოლაში და ახარებთ მოსწავლეებისა და მათი მასწავლებლის წარმატება.
იხილეთ ფოტოები:
