ზესტაფონის მუნიციპალიტეტის სოფელ მეორე სვირის N1 საჯარო სკოლის მოსწავლეები სხვადასხვა აქტივობასა და კონკურსში დიდი მონდომებით ერთვებიან, სადაც წარმატებას აღწევენ.
ამჯერად, სკოლის მე-8 ა კლასის მოსწავლე ნუცა ქობალია კონკურსში - „ნახატები ბიბლიურ თემაზე“ მონაწილეობდა.
მოსწავლემ შესანიშნავი შედეგი აჩვენა და პირველი ადგილი დაიკავა.
„შედეგი? - საოცარი შთამბეჭდავი, ფანტასტიკური ნამუშევრები, საპატრიარქოში ვიზიტი და პირველი ადგილი!“, - ამბობენ სკოლაში.
ეს მოსწავლისთვის მორიგი გამარჯვებაა.
სასკოლო საზოგადოება მოსწავლე ნუცა ქობალიას და მასწავლებელ თამუნა სამხარაძეს მიღწეულ წარმატებას ულოცავს.
„ნიჭიერების ზეიმი არ დაგვლეოდეს“, - ამბობენ სკოლაში.
აღსანიშნავია, რომ აღნიშნული კონკურსი საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრმა გამოაცხადა.
იხილეთ ფოტოები:
