ავთანდილ დეკანოიძის სახელობის ქალაქ ქუთაისის N32 საჯარო სკოლის მოსწავლეები, სასწავლო წლის განმავლობაში, სხვადასხვა საინტერესო ღონისძიებასა თუ პროექტში ერთვებიან.
მათ შორის, ისინი საპატრიარქოს ახალგაზრდული ცენტრის მიერ ორგანიზებულ ნახატების კონკურსში - „ნახატები ბიბლიურ თემაზე“ მონაწილეობდნენ.
აღსანიშნავია, რომ კონკურსი შემდეგ სამ საფეხურს მოიცავდა:
- ბილეთებში მოცემული ბიბლიური ტექსტის გაშინაარსებასა და შვიდი ნახატის შექმნას;
- ხატვის ტური, რომელიც სამების ტაძრის ახალგაზრდული ცენტრში ჩატარდა;
- ბილეთის გადაცემა და შვიდი ნამუშევრის შექმნა.
კონკურსი გრძელვადიანია და მთელი წლის განმავლობაში მიმდინარეობდა. მისი შედეგები 26 დეკემბერს შეჯამდა. კომპეტენტური ჟიურის მიერ გამოვლენილ გამარჯვებულთა შორის არიან ქუთაისის N32 საჯარო სკოლის ოთხი მოსწავლე: ელენე დეისაძე, ნინი ფხალაძე, მართა ვაშაყმაძე და მარიამ ვაშაყმაძე. ოთხივე მონაწილე და ასევე პედაგოგი - ხათუნა თვალოძე სპეციალური დიპლომებით დაჯილდოვდნენ.
„ვულოცავთ ჩვენს მოსწავლეებს და პედაგოგს მიღწეულ წარმატებას და შემდგომ შემოქმედებით წინსვლას ვუსურვებთ“,- სკოლაში მათი მიღწევით ხარობენ და ულოცავენ.
იხილეთ ფოტოები:
