„მედია და ინფორმაცია“- ნოქალაქევის საჯარო სკოლის მე-4 კლასში საჩვენებელი გაკვეთილი ჩატარდა
03-01-2025
სენაკის მუნიციპალიტეტის სოფელ ნოქალაქევის საჯარო სკოლაში სასწავლო წელი საინტერესო და მოსწავლეთა განვითარებაზე ორიენტირებული აქტივობებითაა გაჯერებული.
მათ შორის, მე-4 კლასში „მე და საზოგადოებაში“ საჩვენებელი გაკვეთილი ჩატარდა, რომლის თემაც მედია და ინფორმაცია გახლდათ. გაკვეთილს საგნის მასწავლებელი - ეკა ადამია უძღვებოდა.
მისი მიზანი გახლდათ მოსწავლეებს თანამედროვე საზოგადოებაში მედიისა და ინფორმაციის როლი შეესწავლათ, მისი როლი გაეცნობიერებინათ და მედია-შინაარსის კრიტიკულად განხილვა შესძლებოდათ.
როგორც სკოლაში გვიყვებიან, მოსწავლეები ხალისითა და დიდი ინტერესით ასრულებდნენ გაკვეთილზე დაგეგმილ აქტივობებს. აღსანიშნავია, რომ გაკვეთილს სკოლის დირექტორის მოადგილე, ციალა გოგოლი ესწრებოდა.
იხილეთ ფოტოები:
სკოლების სიახლეები
