ლიის თემის N2 საჯარო სკოლაში დაუვიწყარი და შთამბეჭდავი ახალი წლის ზეიმი გაიმართა
03-01-2025
წალენჯიხის მუნიციპალიტეტის ლიის თემის N2 საჯარო სკოლაში მიმდინარე სასწავლო წლის პირველი სემესტრი დიდი ჟრიამულით დასრულდა.
აღსანიშნავია, რომ სკოლაში ამაღლებული განწყობა საახალწლო ღონისძიებამ შექმნა. დაუვიწყარი და შთამბეჭდავი ახალი წლის ზეიმში მოსწავლეები უდიდესი ხალისითა და ინტერესით ჩაერთნენ.
სხვადასხვა კლასის მოსწავლეები მაყურებლის წინაშე უამრავი საახალწლო ლექსით, სიმღერითა თუ ლამაზი ცეკვით წარსდგნენ. სპეციალურად მიწვეულმა თოვლის ბაბუამ და ელფმა კი, მოსწავლეები, პედაგოგებთან და მშობლებთან ერთად, სხვადასხვა აქტივობაში ჩართეს. ღონისძიების დასასრულს კი, სასკოლო საზოგადოებას ტკბილეული გადასცეს.
დღემ ძალიან ნაყოფიერად და სასიამოვნოდ ჩაიარა.
იხილეთ ფოტოები:
სკოლების სიახლეები
