წყალტუბოს N2 საჯარო სკოლის ვაჟ ფეხბურთელთა გუნდი მუნიციპალური თამაშების გამარჯვებულია
09-01-2025
მამუკა სამაკაშვილის სახელობის ქალაქ წყალტუბოს N2 საჯარო სკოლაში მოსწავლეთა სპორტული ცხოვრება წახალისებული და მხარდაჭერილია, მოსწავლეებიც აქტიურობით გამოირჩევიან და არაერთ წარმატებას აღწევენ.
მათ შორის აღსანიშნავია, მოსწავლეთა ბრწყინვალე გამარჯვება მუნიციპალურ თამაშებში.
წყალტუბოში, სასკოლო სპორტული ოლიმპიადის ფარგლებში, გაიმართა მუნიციპალური თამაშები მინი ფეხბურთში, ვაჟებს შორის.
გამარჯვებული გახდა მამუკა სამაკაშვილის სახელობის ქალაქ წყალტუბოს N2 სკოლის ფეხბურთელთა გუნდი, რომელიც მონაწილეობას მიიღებს რეგიონალურ გათამაშებაში და დაიცავს ქალაქის სახელს.
სკოლაში მოსწავლეთა წარმატება ახარებთ და მოსწავლეებს შემდგომ გამარჯვებას ულოცავენ.
იხილეთ ფოტოები და ვიდეო:
სკოლების სიახლეები
