სენაკის მუნიციპალიტეტის სოფელ ნოქალაქევის საჯარო სკოლაში სასწავლო სემესტრი არაერთი საინტერესო ღია გაკვეთილითა თუ საინტერესო აქტივობით შეჯამდა. 

მათ შორის, მე-4 კლასში ჩატარდა საინტერესო ღია გაკვეთილი მათემატიკაში, რომელსაც  მასწავლებელი ხათუნა შულაია ხელმძღვანელობდა. 

გაკვეთილის თემა გახლდათ - „რიცხვების შეკრება და გამოკლება, ამოცანების ამოხსნა“. სასწავლო პროცესის დროს პედაგოგმა მრავალფეროვან აქტივობებსა და სასწავლო რესურსებს მიმართა. 

გაკვეთილის მიზანი იყო შეკრება-გამოკლებაზე ცოდნის განმტკიცება. განვლილი მასალის გამეორება, მსჯელობა-დასაბუთების უნარის განვითარება. რიცხვების გამოკლებისა და შეკრების გამოყენება ამოცანების ამოხსნისას.

მოსწავლეები აქტიურად, დიდი ინტერესითა და ხალისით ჩაერთნენ საგაკვეთილო პროცესში:

ჯგუფური მუშაობით შეასრულეს მითითებული დავალებები, შეავსეს კროსვორდი;

შეასრულეს სახალისო აქტივობა - „მხიარული კამათელი“.

ღია გაკვეთილს სკოლის დირექტორი ნანა ჯგერენაია ესწრებოდა.