იაკობ გოგებაშვილის სახელობის ქალაქ ლაგოდეხის N3 საჯარო სკოლის დირექცია და პედაგოგები მოსწავლეთა ჩართულობას სხვადასხვა საგანმანათლებლო ინიციატივებსა და არაფორმალური განათლების პროექტებში ახალისებენ. ბავშვებიც აქტიურობით გამოიჩევიან და არაერთ პროექტში მონაწილეობენ.
მათ შორის, მოსწავლეები კამპანიის -„გაიგე მეტი თვითმმართველობაზე“ დაჯილდოვდნენ. თვითმმართველობის საკითხებზე, საინფორმაციო შეხვედრებში მონაწილე ლაგოდეხის N3 საჯარო სკოლის მე-11-მე-12 კლასელებს სერტიფიკატები და სიმბოლური ჯილდოები მიენიჭათ.
მოსწავლეები საკრებულოს თავმჯდომარემ კახა ჯამბურიამ და ლაგოდეხის რესურსცენტრის ხელმძღვანელმა ხათუნა შუშტაკაშვილმა გადასცეს.
აღსანიშნავია, რომ ცნობიერების ამაღლების კამპანია, რომელიც, თვითმმართველობის მნიშვნელობის პოპულარიზაციას ითვალისწინებს, ლაგოდეხის მუნიციპალიტეტის საკრებულოს თავმჯდომარის ინიციატივით მუნიციპალიტეტის მასშტაბით არსებულ, 21 საჯარო სკოლაში ჩატარდა.
იხილეთ ფოტო:
