გია გოგუაძის სახელობის ოზურგეთის მუნიციპალიტეტის სოფელ ბოხვაურის საჯარო სკოლაში საახალწლოდ ამაღლებული საზეიმო განწყობა იგრძნობოდა.
იქ მასწავლებლების - თინათინ მელიქაძისა და ხათუნა ვაშალომიძის ხელმძღვანელობით, მე-2, მე-4, მე-5, მე-6 კლასის მოსწავლეებმა ზღაპრის პერსონაჟები „გააცოცხლეს“, მხატვრულ-მუსიკალური ნომრები შეასრულეს და სასკოლო საზოგადოებას შობა-ახალი წელი სიყვარულით მიულოცეს.
გარდა ამისა, პირველ და მე-3 კლასის მოსწავლეთა ჩართულობით, საახალწლო ზეიმი - „მრავალჟამიერ, წელო ახალო“ ჩატარდა. მათი მასწავლებლები ჟუჟუნა მალაზონია და მანანა დუმბაძე არიან.
ღონისძიებას, სასკოლო საზოგადოებასთან ერთად, მშობლებიც ესწრებოდნენ და საცეკვაო ნომერშიც ჩაერთნენ.
„2025 წელს გილოცავთ ბავშვებო, მასწავლებლებო, მშობლებო! მშვიდობა, ჯანის სიმრთელე და წარმატებები დაგბედებოდეთ“,- ასეთია სასკოლო საზოგადოების სურვილები.
იხილეთ ვიდეოები და ფოტოები:
