ტყიბულის N1 საჯარო სკოლაში პროფესიონალი პედაგოგები ასწავლიან და მოტივირებული, ამბიციური მოსწავლეები სწავლობენ, რომლებიც მუდმივად დიადი მიზნებისა და წარმატებისკენ ისწრაფვიან.
2024 წლის 10 ივლისს ქუთაისში steve jobs American Academy -ის ფილიალში ჩატარდა მისაღები გამოცდა, რომელშიც ქვეყნის მასშტაბით სხვადასხვა რეგიონიდან უამრავი წარმატებული და ნიჭიერი მოსწავლე მონაწილეობდა.
სწორედ აღნიშნულ კონკურსში გაიმარჯვა ტყიბულის N1 საჯარო სკოლის VIIა კლასის მოსწავლე გიზო ძაგნიძემ, რომელმაც, უდიდესი კონკურენციის მიუხედავად, უმაღლესი ქულა და აკადემიაში სწავლისათვის 100% -იანი გრანტი მოიპოვა.
ცნობილია, რომ ამერიკული აკადემიის პროგრამები მსოფლიოს მასშტაბით 240-ზე მეტ ქალაქში ხორციელდება და საერთო ჯამში 50 000 - ზე მეტი მოსწავლე გადამზადდება მომავლის ტექნოლოგიების ლიდერებად. აკადემიის პროგრამები საერთაშორისო დონეზეა აღიარებული, მათ შორის ჰარვარდის უნივერსიტეტის მიერ, ასევე მინიჭებული აქვს ევროკომისიის წარჩინების სერტიფიკატი.
ტყიბულის N1 საჯარო სკოლა გიზო ძაგნიძეს ულოცავს ამ დიდ გამარჯვებას და სამომავლოდ წარმატებას უსურვებს, ამაყობს მისი მონდომებითა და მიღწევით.
იხილეთ ფოტოები:
