კასპის მუნიციპალიტეტის სოფელ აღაიანის საჯარო სკოლაში მოსწავლეთა წიგნიერების დონის ამაღლებაზე აქტიურად ზრუნავენ. ამ მიზნით კი არაერთ ღონისძიებას მიმართავენ. მათ შორის სკოლაში წარმატებით მუშაობს ლიტერატურული კლუბი.
როგორც სკოლაში აღნიშნავენ, წიგნიერების განვითარება თანამედროვე განათლების სისტემის უმთავრესი გამოწვევაა. სკოლის ლიტერატურული კლუბი კი კარგი საშუალებაა იმისათვის, რომ მოსწავლეებმა იკითხონ, გაიაზრონ, გააკეთონ რეფლექსია და იმსჯელონ. ეს ფორმატი მოსწავლეებს ეხმარება დისკუსიის, წერის,პრეზენტაციასა და შემოქმედებითი უნარის ჩამოყალიბებაში.
სასწავლო წლის მიწურულს, აღაიანის საჯარო სკოლის ლიტერატურული კლუბის წევრებმა, მარიამ გელხაური-ილურიძის ხელმძღვანელობით, განახორციელეს პროექტი - „ურჩიე წიგნი“...
ბავშვებმა თანატოლებს გააცნეს საყვარელი წიგნის მთავარი სათქმელი, ისაუბრეს რატომ არის გამორჩეული და საინტერესო, რატომ და როგორ მოიხიბლნენ საყვარელი პერსონაჟით.
წარადგინეს თავიანთი არჩევანის შესაბამისი ნამუშევრები.
იხილეთ ფოტოები:
