დავით სარაჯიშვილის სახელობის ქალაქ თბილისის N16 საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით. მათ შორის აღსანიშნავია, პირველი სასწავლო სემესტრის მიწურულს გამართული თეატრალიზებული სანახაობა, რომლის დახმარებითაც მოსწავლეებმა მე-5 საუკუნის საქართველო გააცოცხლეს.
„ისტორიის სწავლებისას თეატრალიზებული პროექტები ხელს უწყობს მოსწავლეების თვითრეალიზაციას, ავითარებს კრიტიკულ აზროვნებასა და შემოქმედებით უნარებს, ზრდის მოტივაციასა და თვითშეფასებას“,- აღნიშნავენ სკოლაში და დასძენენ, რომ სწორედ ამ მიზანს ემსახურებოდა ისტორიის მასწავლებელ ლელა ზაქარეიშვილის მიერ მე-7ბ კლასში გრიგოლ აბაშიძის პოემა „დედა- ციხის“ მიხედვით დადგმული სპექტაკლი.
მოსწავლეებმა როლები ოსტატურად მოირგეს და საგულდაგულოდ შერჩეული რეკვიზიტებითა და კოსტიუმებით გააცოცხლეს მე- 5 საუკუნის საქართველო.
სკოლაში მადლობას უხდიან მოსწავლეთა მშობლებს თანადგომისა და თანამონაწილეობისთვის.
იხილეთ ფოტოები:
