დიდი საახალწლო ზარ-ზეიმი წახანის საჯარო სკოლაში
14-01-2025
ადიგენის მუნიციპალიტეტის სოფელ წახანის საჯარო სკოლაში წინასაახალწლოდ ზღაპრული განწყობა დატრიალდა.
26 დეკემბერს, სკოლაში ჩატარდა ლამაზი საახალწლო ღონისძიება. მოსწავლეებმა სასკოლო საზოგადოებას ახალი წელი სიმღერებით, ლექსებითა და მუსიკალური ნომრებით მიულოცეს.
საახალწლო ზარ-ზეიმმა მთელი სკოლა მოიცვა. ღონისძიების ბოლოს ბავშვები დასაჩუქრდნენ.
სკოლაში ახარებთ მოსწავლეთა აქტიურობა და შემოქმედებითობა, თითოეულ პედაგოგს კი საახალწლო ღონისძიებაში მონაწილეობისათვის მადლობას უხდიან.
„გილოცავთ 2025 წელს! გისურვებთ ულევ სიხარულს, სიკეთესა და წარმატებებს. მშვიდობის კეთილდღეობის წინსვლის და გაძლიერების წელი ყოფილიყოს სრულიად საქართველოსთვის“,- ასეთია სასკოლო საზოგადოების სურვილები.
იხილეთ ფოტო-ვიდეომასალა:
სკოლების სიახლეები
