8 თებერვალს, დავითობას, ქუთაისის N10 საჯარო სკოლაში მოსწავლეთა ჩართულობით, ქუთაისის საგანმანათლებლო რესურსცენტრისა და ამავე სკოლის დირექციის ერთობლივი ინიციატივით, გაიმართა თანამედროვე ქართველი პოეტის - ტარიელ ხარხელაურისადმი მიძღვნილი ლიტერატურული შემოქმედებითი საღამო - „დახურეთ ზეცა“.
ღონისძიებაზე სკოლამ თავად პოეტს უმასპინძლა. სკოლის მოსწავლეებმა გააცოცხლეს პოეტის შემოქმედება, ხოლო, მწერალმა დამსწრე საზოგადოებას საკუთარი შემოქმედებიდან ლექსები წაუკითხა.
ღონისძიება შთამბეჭდავად, მოსწავლეთა მაღალი ჩართულობით წარიმართა.
ლიტერატურულ საღამოს ესწრებოდნენ: ქუთაისის საგანმანათლებლო რესურსცენტრის უფროსი მაია ცქიტიშვილი, პოეტი, ერეკლე საღლიანი.სტუმრები ქუთაისის ლადო მესხიშვილის სახელობის სახელმწიფო თეატრიდან: თორნიკე მარჯანიშვილი და მარინა მარჯანიშვილი და სხვა დამსწრე საზოგადოება.
ღონისძიების რეჟისორები ალეკო მესხორაძე და ნატო შერაზადიშვილი არიან.
იხილეთ ფოტოები:
