ღების საჯარო სკოლაში დავით აღმაშენებლის ხსენების დღეს ღონისძიება მიეძღვნა
14-02-2025
ონის მუნიციპალიტეტის სოფელ ღების საჯარო სკოლაში საქართველოს ისტორიის ხარისხიან სწავლებას მნიშვნელოვანი ყურადღება ექცევა. შესაბამისად სკოლაში გამორჩეულად აღინიშნა დავით აღმაშენებლის ხსენების დღე.
მოსწავლეებმა სიღრმისეულად შეისწავლეს დავით აღმაშენებლის მეფობის პერიოდი – მისი მიღწევები, რეფორმები, ბრძოლები და სასკოლო საზოგადოების წინაშე საინტერესო პრეზენტაციით წარდგნენ.
მოსწავლეებმა აღნიშნეს მეფეთ მეფის ღვაწლი ქართველი ერის წინაშე და მის მოღვაწეობას ხოტბა შეასხეს.
ღონისძიება მეტად საინტერესოდ, მოსწავლეთა მაღალი ჩართულობითა წარიმართა და დამსწრე საზოგადოების დიდი მოწონება დაიმსახურა.
აღსანიშნავია, რომ დავით აღმაშენებლის ხსენების დღე 8 თებერვალს აღინიშნება. წელს მეფეთ-მეფის გარდაცვალებიდან 900 წელი გავიდა.
იხილეთ ფოტოები:
სკოლების სიახლეები
