ჭიათურის მუნიციპალიტეტის სოფელ მერევის საჯარო სკოლაში მოსწავლეთა წიგნიერების დონის ამაღლება ერთ-ერთი პრიორიტეტული საკითხია. ამ მიზნით კი პედაგოგები მოსწავლეებს არაერთ აქტივობას სთავაზობენ.
წიგნის საჯაროდ კითხვის მსოფლიო დღესთან დაკავშირებით, მერევის საჯარო სკოლის მე-5 კლასელები, პედაგოგ ხათუნა ასანიძის ხელმძღვანელობით, ჭიათურის მთავარ საბავშვო ბიბლიოთეკას სტუმრობდნენ.
ბავშვებმა წიგნის კითხვის მნიშვნელობაზე ცნობილი გამონათქვამები წაიკითხეს, დაათვალიერეს ბიბლიოთეკა და ბიბლიოთეკის მუშაობის სპეციფიკას გაეცნენ. ბიბლიოთეკაში ასევე გაიმართა მულტიპიკაციური ფილმის ჩვენება, რამაც მოსწავლეები მეტად გაახალისა.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის - „იკითხე ხმამაღლა, შეცვალე მსოფლიო!“ გარშემო. ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტო-ვიდეომასალა:
