ყაზბეგის მუნიციპალიტეტის დაბა სტეფანწმინდის N1 საჯარო სკოლის პედაგოგები მოსწავლეებს მხატვრული ლიტერატურის სიყვარულს შთააგონებენ და მათი წიგნიერების დონის ამაღლებაზე ზრუნავენ.
შესაბამისად სკოლაში წიგნის საჯაროს კითხვის დღე განსაკუთრებულად აღინიშნა.
„იკითხე ხმამაღლა, შეცვალე სამყარო!“ - ამ ლოზუნგმა გააერთიანა მოსწავლეთა წიგნიერებისთვის მებრძოლი ადამიანები - ნათელა ფიცხელაური, თამარ ოდიშვილი, მაია სუჯაშვილი, ნინო ქუშაშვილი, მაკა ქავთარაშვილი და თეონა აქიაშვილი, მათ კიდევ ერთხელ შეახსენეს მოსწავლეებს წიგნის კითხვის მნიშვნელობა და შეიტანეს წვლილი წიგნის კითხვის პოპულარიზაციაში.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის - „იკითხე ხმამაღლა, შეცვალე მსოფლიო!“ გარშემო. ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ და გაიზიარონ წიგნის ხმამაღლა კითხვის სიხარული.
იხილეთ ფოტოები:
