ყაზბეგის მუნიციპალიტეტის დაბა სტეფანწმინდის N1 საჯარო სკოლაში სხვადასხვა მნიშვნელოვან საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. 

ახლახან, მე-11 კლასის მოსწავლეებმა, გარდატეხის ასაკში მყოფი მოზარდების თავისებურებათა შესახებ ინფორმირებულობის გაზრდის მიზნით, მე-6 და მე-7 კლასების მოსწავლეებთან  შეხვედრა  ჩაატარეს.

შეხვედრაზე საუბარი წარიმართა მოზარდთა ფიზიოლოგიური, ფსიქოლოგიური და ემოციური ცვლილებების შესახებ, არსებულ სირთულეებსა და გამოწვევებზე, რაც გარდატეხის ასაკში ხვდებათ  ბავშვებს. 

შეხვედრას სკოლის მასწავლებლებიც ესწრებოდნენ, რომლებიც აქტიურად იყვნენ ჩართულნი ინტერაციაში და პასუხობდნენ მოსწავლეების მიერ დასმულ შეკითხვებს.

იხილეთ ფოტოები: