გიორგი ლომაძის სახელობის ლანჩხუთის მუნიციპალიტეტის სოფელ ლესის საჯარო სკოლის პედაგოგები მოსწავლეთა წიგნიერების დონის ამაღლებაზე აქტიურად ზრუნავენ და ამ მიზნით მოსწავლეებს არაერთ აქტივობასა თუ ღონისძიებას სთავაზობენ.
2 თებერვალს სკოლაში წიგნის საჯაროდ კითხვის მსოფლიო დღე აღინიშნა. მე-3 კლასის მოსწავლეები სლოგანის - „იკითხე ხმამაღლა, შეცვალე მსოფლიო!“ გაერთიანდნენ და წელს პირველად შეუერთნენ წიგნის კითხვის პოპულარიზაციისკენ მიმართულ მსოფლიო ინიციატივას.
შეირჩა მოსწავლეთა ასაკს მორგებული ტექსტი, რომელიც ჯერ მასწავლებელმა წაიკითხა, შემდეგ კითხვის პროცესში მოსწავლეებიც ჩაერთნენ.
აქტივობას კლასის დამრიგებელი ნაირა უგრეხელიძე ხელმძღვანელობდა.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის - „იკითხე ხმამაღლა, შეცვალე მსოფლიო!“ გარშემო. ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ და გაიზიარონ წიგნის ხმამაღლა კითხვის სიხარული.
იხილეთ ფოტო-ვიდეომასალა:
