ყაზბეგის მუნიციპალიტეტის დაბა სტეფანწმინდის N1 საჯარო სკოლაში მოსწავლის სპორტულ წარმატებას აღნიშნავენ. 

სკოლის მოსწავლე დავით ფიცხელაური დინამო თბილისის რეგიონული ნაკრების ფეხბურთელია.

აღსანიშნავია, რომ რეგიონულ შეჯიბრში, 830 ბავშვი მონაწილეობდა. ყაზბეგის სპორტის განვითარების ცენტრის ფეხბურთის წრის მოსწავლე დავით ფიცხელაური კი რჩეულ თვრამეტს შორისაა. 

დავით ფიცხელაური საწვრთნელ შეკრებას, 3-8 მარტს, თბილისის დინამოს აკადემიის ბაზაზე გაივლის. 13-დან 16 მარტამდე კი - ვილნიუსში, საერთაშორისო ევროპულ ტურნირში მიიღებს მონაწილეობას.

სკოლაში მოსწავლეს წარმატებას ულოცავენ და ახალი მწვერვალების დაპყრობას უსურვებენ. 

„ვულოცავთ, ჩვენი სკოლის მოსწავლეს - დავით ფიცხელაურს, ამ დიდ წარმატებას და ვუსურვებთ ასეთი შემართებით გაეგრძელებინოს გზა დასახულ მიზნამდე მისასვლელად“,- აღნიშნავენ სკოლაში.