ახალქალაქის მუნიციპალიტეტის, ალათუმანის საჯარო სკოლის მოსწავლეები აქტიურად მონაწილეობენ სასკოლო ცხოვრებაში და თემატურ ღონისძიებებსაც ხშირად ატარებენ.
ახლახან შთამბეჭდავი აქტივობა მიუძღვნეს გაზაფხულის შემობრძანებასა და ქალთა დღესასწაულებს, რომელსაც სახელწოდება დიდი სიყვარულით შეურჩიეს - „შვილის თვალებში მზე თუ იცინის, დედისთვის მუდამ გაზაფხულია''.
დაწყებითი საფეხურის მოსწავლეებმა, მშობლების, თანატოლებისა და პედაგოგების წინაშე მშობლიურ და ქართულ ენაზე შეასრულეს სიმღერები, ცეკვები და თბილი სიტყვები მიუძღვნეს მშობლებს;
„ღონისძიებამ სასკოლო საზოგადოებაში დიდი მოწონება დაიმსახურა და აღსანიშნავია, რომ მსგავსი სახის აქტივობები ხშირად ტარდება ალათუმანის საჯარო სკოლაში, მოსწავლეები კი აქტიურად ერთვებიან ამ ღონისძიებებში“, - აღნიშნულია გავრცელებულ ინფორმაციაში.
იხილეთ ფოტოები:
