ახალქალაქის მუნიციპალიტეტის სოფელ აზმანის საჯარო სკოლაში სასწავლო წელი გაჯერებულია მრავალფეროვანი ღონისძიებებით.
სითბოსა და სიყვარულის გამოხატვას ემსახურებოდა ახლახან აზმანის საჯარო სკოლაში გამართული ღონისძიება, რომელიც დედებს, ქალებს და გაზაფხულს მიეძღვნა.
ღონისძიება დატვირთული იყო მრავალფეროვანი საზეიმო ნომრებით. მოსწავლეებმა წაიკითხეს საინტერესო გამონათქვამები დედაზე, მხატვრულად წარმოთქვეს ლექსები, იმღერეს. ღონისძიებაში მშობლებიც ჩართეს და მათთან ერთად შეასრულეს ცეკვა და სიმღერა. ასევე დაწერეს წერილები, მათი წაკითხვის შემდეგ კი მშობლებს უნდა ამოეცნოთ საკუთარი შვილის ნაწერი, გარკვეული მინიშნებით. აქტივობა როგორც მოსწავლეებისთვის, ისე მშობლებისთვის მეტად სახალისო და თავშესაქცევი აღმოჩნდა.
შემდეგ, მოსწავლეებმა მშობლებს მცირე სიმბოლური საჩუქარიც გადასცეს.
ღონისძიებამ საინტერესოდ ჩაიარა.
აღსანიშნავია ის ფაქტი რომ მშობელთა, მოსწავლეთა და მასწავლებელთა ურთიერთთანამშრომლობა სასკოლო ცხოვრების უკეთ წარმართვას უწყობს ხელს.
იხილეთ ფოტოები:
