თბილისის N6 საჯარო სკოლაში სხვადასხვა მნიშვნელოვან საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. დირექტორის - ქეთევან თევდორაშვილის ხელმძღვანელობით, სკოლაში წახალისებულია მოსწავლეთა ჩართულობა არაფორმალური განათლების პროექტებში. 

ახლახან, IX-X კლასის მოსწავლეები იმყოფებოდნენ პერსონალურ მონაცემთა დაცვის სამსახურში „კონფიდენციალურობის გაკვეთილზე“.

შეხვედრის ფარგლებში, მოსწავლეებმა მიიღეს ინფორმაცია მონაცემთა დაცვის მნიშვნელობის შესახებ, ასევე შეაფასეს რისკები, რაც მონაცემთა უკანონო ან დაუფიქრებელ გამჟღავნებას შესაძლოა მოჰყვეს. ასევე, მიიღეს ინფორმაცია ინტერნეტუსაფრთხოების წესების შესახებ.

გასვლითი ღონისძიების ორგანიზატორი იყო მოქალაქეობის მასწავლებელი ნანა შენგელია.

იხილეთ ფოტოები: