ქვემო ალვანის საჯარო სკოლის მე-2 კლასელებმა დედებსა და პედაგოგებს გაზაფხულის დღესასწაულები წარმტაცი ღონისძიებით მიულოცეს
11-03-2025
ახმეტის მუნიციპალიტეტის სოფელ ქვემო ალვანის საჯარო სკოლაში გაზაფხულის პირველი დღესასწაულები განსაკუთრებულად აღინიშნა.
დღესასწაულებს დიდი ზარ-ზეიმით გამოეხმაურნენ IIბ კლასის მოსწავლეები.
მე-2 კლასელებმა საყვარელ ქალბატონებს - დედებსა და მასწავლებლებს 3 და 8 მარტი ლამაზი ღონისძიებით მიულოცეს.
მოსწავლეები მაყურებლის წინაშე წარმტაცი სანახაობით წარდნენ - მხატვრულად წაიკითხეს ლექსები და შეასრულეს მუსიკალური ნომრები. ბავშვებმა ნიჭი და შესაძლებლობები წარმატებით წარმოაჩინეს და დასმსწრე საზოგადოებას ზღაპრული ემოციები აჩუქეს.
ღონისძიება პედაგოგ ეკა ჯავახიშვილის ხელმძღვანელობითა და ხელოვნების და მუსიკის მასწავლებლების - გვანცა აქიმიძის და გულიკო ღაძიაიძის დახმარებით, გაიმართა.
იხილეთ ფოტო-ვიდეომასალა:
სკოლების სიახლეები
