წალკის მუნიციპალიტეტის დაბა თრიალეთის საჯარო სკოლაში სხვადახვა მნიშვნელოვან საკითხზე მოსწავლეთა ცოდნის ამაღლებას მნიშვნელოვანი ყურადღება ექცევა. ამ მიზნით, კი მოსწავლეები დირექციისა და პედაგოგების მხარდაჭერით არაერთ საგანმანათლებლო პროგრამაში არიან ჩართულნი.
მათ შორის, დაბა თრიალეთის საჯარო სკოლაში უფროსკლასელებთან ჩატარდა საინფორმაციო - სასწავლო კურსი - „არჩევნები და ახალგაზრდა ამომრჩეველი“.
აღნიშნული კურსი განხორციელდა საქართველოს ცენტრალური საარჩევნო კომისიის, საარჩევნო სისტემების განვითარების რეფორმებისა და სწავლების ცენტრის, აგრეთვე საქართველოს განათლების, მეცნიერებისა და ახალგაზრდობის სამინისტროსთან პარტნიორობით.
კურსი მოსწავლეებისთვის მეტად საინტერესო და შემეცნებითი აღმოჩნდა.
„ქალბატონ ხათუნა ილდანს ძალიან დიდი მადლობა საინტერესო და ნაყოფიერი სასწავლო კურსისთვის“,- აღნიშნავენ სკოლაში.
იხილეთ ფოტო:
