ჩოხატაურის მუნიციპალიტეტის სოფელ ჩხაკოურის საჯარო სკოლის მოსწავლეები ინგლისურ ენას საინტერესო და სახალისო აქტივობებით სწავლობენ. პედაგოგები მოსწავლეებს სასწავლო პროცესს უმრავალფეროვნებენ, რაც მოსწავლეთა მოტივაციასა და ცოდნის ხარისხზე აისახება.

ახლახან, სკოლაში, უცხოური ენების კათედრის მორიგი სახალისო აქტივობა ჩატარდა.

შეხვედრის თემა იყო - „ადამიანის სხეულის ნაწილები“. აქტივობაში ჩართულნი იყვნენ დაწყებითი და საბაზო საფეხურის მოსწავლეები, რომლებიც ხალისით ასრულებდნენ დავალებებს.

როგორც სკოლაში გვეუბნებიან, აღნიშნული შეხვედრით მოსწავლეებმა გაიუმჯობესეს სიტყვის წარმოთქმის ტექნიკა, ასევე, გაიმდიდრეს ლექსიკური მარაგი.

შეხვედრას ხელმძღვანელობდნენ პედაგოგები - ნანა წაქაძე, ნათელა ირემაძე.

იხილეთ ფოტოები: