ქუთაისის №4 საჯარო სკოლის მოსწავლეები, პედაგოგთა მხარდაჭერით, აქტიურად არიან ჩართულნი სხვადასხვა საგანმანათლებლო ღონისძიებაში.
ახლახან, აკაკი წერეთლის სახელმწიფო უნივერსიტეტის (აწსუ) ჰუმანიტარულ მეცნიერებათა ფაკულტეტის ისტორია-არქეოლოგიის დეპარტამენტის წევრისა და ლექტორის, ისტორიის დოქტორ ლაშა დეისაძე-შარვაშიძის მიწვევით, ქუთაისის №4 საჯარო სკოლის მოსწავლეები დაესწრნენ საჯარო ლექციას თემაზე - „დავით აღმაშენებლის მმართველობის საეკლესიო მიმართულება“.
ლექცია ბატონმა ლაშა დეისაძე-შარვაშიძემ წაიკითხა. შეხვედრას მოსწავლეებთან ერთად ესწრებოდა აწსუ-ს ჰუმანიტარულ მეცნიერებათა ფაკულტეტის ფილოსოფია-ფსიქოლოგიის დეპარტამენტის წევრი, ფილოსოფიის ლექტორი და №4 საჯარო სკოლის დირექტორის მოადგილე ბექა ძოწენიძე.
ლექცია მოსწავლეებისთვის მეტად საინტერესო და შემეცნებითი აღმოჩნდა.
იხილეთ ფოტოები:
