2025 წლის ტესტების ჩატარების განრიგი ცნობილია - რეგისტრაციის ვადები და სხვა დეტალები
21-03-2025
შეფასებისა და გამოცდების ეროვნული ცენტრის ინფორმაციით, პროექტ „სერტუსის“ (ინგლისური ენის ცოდნის დონის დასადგენი ტესტირება) ფარგლებში მორიგი ტესტირება 26 მარტს ჩატარდება, რეგისტრაციის გავლა კი მსურველებს 24 მარტის 17:00 საათის ჩათვლით შეეძლებათ.
შემდეგი გამოცდისათვის (16 აპრილი) რეგისტრაცია 27 მარტის 10:00 საათიდან დაიწყება.
ტესტირება შეფასებისა და გამოცდების ეროვნულ ცენტრში ჩატარდება. მონაწილეს შეუძლია ჩააბაროს როგორც მთლიანად ტესტი, ისე მისი ცალკეული ნაწილი/ნაწილები. ერთი ნაწილის ჩაბარების შემთხვევაში (მაგ.: მოსმენა), მონაწილე მიიღებს შესაბამის ცნობას. სერტიფიკატი კი, რომლის მოქმედების ვადაც 3 წელია, ტესტის სრულად (ოთხივე ნაწილის) ჩაბარების შემთხვევაში გაიცემა. მნიშვნელოვანია, რომ გადაბარების 6 თვიანი მოცდის პერიოდი ერთ თვემდე შემცირდა.
გთავაზობთ „სერტუსის“ 2025 წლის ტესტირების კალენდარს.
დეტალური ინფორმაცია რეგისტრაციასთან და სხვა საკითხებთან დაკავშირებით იხილეთ ბმულზე.
სკოლების სიახლეები
