ქულების ნახვა შესაძლებელია ვებგვერდზე: online.naec.ge 

 

შედეგისა და ნაშრომის ასლის სანახავად ოლიმპიადაში მონაწილე მოსწავლემ სპეციალურ ველში უნდა შეიყვანოს პირადი, თერთმეტნიშნა ნომერი. საკუთარი მოსწავლეების შედეგების ნახვის შესაძლებლობა ასევე აქვს სკოლის ადმინისტრაციას ცხრანიშნა და ოთხნიშნა კოდების გამოყენებით. 

 

2024-2025 სასწავლო წლის ეროვნული სასწავლო ოლიმპიადის მესამე ტურის გამარჯვებულია ის მონაწილე, რომელმაც დააგროვა შესაბამისი საგნის ტესტის მაქსიმალური ქულის არანაკლებ 60%-სა და მოხვდა შესაბამისი კლასისა და საგნის რეიტინგული სიის პირველ ათ მონაწილეს შორის.

 

 

იმ შემთხვევაში, თუ მონაწილე არ ეთანხმება შეფასებას, საპრეტენზიო განაცხადები მიიღება 24 მარტის 10:00 საათიდან 25 მარტის 18:00 საათამდე.

 

ოლიმპიადის მონაწილემ განაცხადი უნდა წარმოადგინოს შეფასებისა და გამოცდების ეროვნულ ცენტრში (მისამართი: თბილისი, ე. მინდელის ქუჩა N9), ხოლო რეგიონებში - საგანმანათლებლო რესურსცენტრებში.

 

 

საპრეტენზიო კომისიის გადაწყვეტილების შესაბამისად, ოლიმპიადის მონაწილის ნაშრომს შეიძლება მოემატოს ქულა, დააკლდეს ან დარჩეს უცვლელი.

 

შეგახსენებთ, რომ მესამე ტურში გამარჯვებული მოსწავლეები გამოვლინდებიან საპრეტენზიო განაცხადების განხილვის  შედეგების გათვალისწინებით.