პატრიოტული სულის ზეიმი - ჟიული შარტავას დაბადების დღე მისივე სახელობის აფხაზეთის N6 საჯარო სკოლამ ღირსეულად აღნიშნა
25-03-2025

პატრიოტული სულის ზეიმი იხილა ჟიული შარტავას სახელობის აფხაზეთის N6 საჯარო სკოლის სასკოლო საზოგადოებამ 7 მარტს, საქართველოს ეროვნული გმირის - ჟიული შარტავას დაბადების დღეს. ეს მნიშვნელოვანი თარიღი მისივე სახელობის აფხაზეთის N6 საჯარო სკოლამ ღირსეულად აღნიშნა.

მოსწავლეებმა, პედაგოგების - ქრისტინე ზამბახიძის, მარინე ჩაკვეტაძისა და მადონა ღვინერიას ხელმძღვალობით, წარმოადგინეს ჟიული შარტავას მიერ განვლილი ცხოვრების გზა.

აღნიშნეს, რომ ჟიული შარტავა აფხაზეთის ომს შეეწირა, მან არ დატოვა დაცემის პირას მყოფი სოხუმი და სოხუმთან ერთად თავადაც გმირულად დაეცა.

მოსწავლეებმა ეროვნული გმირის ცხოვრებასა და მოღვაწეობას ხოტბა შეასხეს, კიდევ ერთხელ გაიაზრეს მისი ღვაწლი და პატივი მიაგეს მის ხსოვნას.

ღონისძიებას ესწრებოდნენ მიწვეული სტუმრები და სასკოლო საზოგადოება.

ღონისძიება კი მომავლის იმედით დამთავრდა, რომ აფხაზეთში აუცილებლად დავბრუნდებით.

იხილეთ ფოტოები:

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203
Loading...