24 მარტი ტუბერკულოზთან ბრძოლის საერთაშორისო დღეა. დაავადებასთან დაკავშირებით საზოგადოების ცნობიერების ამაღლებისკენ მიმართულ მსოფლიო ღონისძიებას თბილისის N175 საჯარო სკოლა საინტერესო პროექტით გამოეხმაურა.
საბუნებისმეტყველო კათედრაზე, ბიოლოგიის პედაგოგების - თინათინ კაკაბაძის, მარინა გოგეშვილის, ირმა ცირეკიძისა და ეთერ პაპუნაშვილის ხელმძღვანელობით, მე-8 კლასის პარალელებში განხორციელდა პროექტი - „ტუბერკულოზი განკურნებადია“.
როგორც სკოლაში გვეუბნებიან, პროექტი მიზნად ისახავდა სასკოლო საზოგადოების ინფორმირებულობას ამ დაავადების შესახებ, მისი გავრცელების გზების, დიაგნოსტიკის, პრევენციისა და მკურნალობის მნიშვნელობის ხაზგასმას, რათა მოხდეს დაავადების დროული გამოვლენა და მკურნალობის მხარდაჭერის უზრუნველყოფა, დაავადების წინააღმდეგ ბრძოლაში საზოგადოების აქტიური ჩართვა. ასევე პროექტის მიზანი იყო შეხსენება - რომ არ უნდა დაგვავიწყდეს - ტუბერკულიოზი დღეს უკვე განკურნებადია.
პროექტის პრეზენტაციას დაესწრო სასკოლო საზოგადოება: დირექცია, მოსწავლეები და მასწავლებლები, მიწვეული სტუმრები და მშობლები.
სასკოლო საზოგადოებაში გავრცელდა საინფორმაციო ბროშურები, მონაწილეებმა მიიღეს დამსწრე საზოგადოების მიერ პოზიტიური უკუკავშირი. ყველა ერთად შეთანხმდა, რომ ინფორმირებულობა ტუბერკულოზს ამარცხებს.
იხილეთ ფოტოები:
