ნინოწმინდის მუნიციპალიტეტის სოფელ გორელოვკის N3 საჯარო სკოლა დაუნის სინდრომის შესახებ ცნობიერების ამაღლებისკენ მიმართულ მსოფლიო კამპანიას შეუერთდა.
21 მარტს, დაუნის სინდრომის მსოფლიო დღესთან დაკავშირებით, სკოლაში გაიმართა არაერთი შემეცნებითი აქტივობა, რომლის მიზანი იყო მოსწავლეებისთვის ინკლუზიური გარემოს მნიშვნელობის გაცნობა, სოლიდარობის გაღრმავება და ცნობიერების ამაღლება.
აქტივობები მთელი დღის განმავლობაში მიმდინარეობდა.
მოსწავლეებმა საკუთარი ხელით შექმნილი პლაკატები და ნახატები გამოფინეს. მათ სიმბოლური აქციებით მათ კიდევ ერთხელ გაუსვეს ხაზი საზოგადოებაში თანასწორობისა და სიყვარულის მნიშვნელობას.
მსგავსი ღონისძიებები ხელს უწყობს მოსწავლეების ემპათიის, ტოლერანტობისა და სოციალური პასუხისმგებლობის განვითარებას, რაც განსაკუთრებით მნიშვნელოვანია ინკლუზიური განათლებისთვის.
სკოლა მომავალშიც გეგმავს მსგავსი აქტივობების გაგრძელებას, რათა თითოეულმა მოსწავლემ იგრძნოს ინკლუზიურობის ძალა და შეიტანოს წვლილი საზოგადოების ჰარმონიულ განვითარებაში.
იხილეთ ფოტო და ვიდეომასალა:
