საქართველოს საპატრიარქოს წმიდა თამარ მეფის სახელობის სკოლა-გიმნაზიაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა, ამ მიზნით კი არაერთი ღონისძიება იმართება.
სკოლაში წყლის საერთაშორისო დღის აღსანიშნავად ეკოკლუბმა - „მწვანე მომავალი“, მე-11ა კლასის მოსწავლეთა ჩართულობით გაიმართა საინფორმაციო შეხვედრა.
ღონისძიების მიზანს წარმოადგენდა წყლის მნიშვნელობის გააზრება და მოსწავლეთა ეკოლოგიური ცნობიერების ამაღლება.
შეხვედრის ფარგლებში მონაწილეებმა იმსჯელეს მსოფლიო წყლის რესურსების მდგომარეობაზე, ასევე იმ საფრთხეებზე, რაც გამოწვეულია გაუფრთხილებელი მოხმარებით.
მოსწავლეებმა წარმოადგინეს პრეზენტაციები, რომლებიც ასახავდა წყლის რესურსების დაზოგვის გზებსა და სარგებლიან პრაქტიკებს ყოველდღიურ ცხოვრებაში.
განიხილეს, როგორ შეიძლება წყლის დაზოგვა მცირე, მაგრამ ეფექტური ნაბიჯებით.
ღონისძიებამ ხელი შეუწყო მოსწავლეთა გარემოსდაცვითი პასუხისმგებლობის ამაღლებას.
იხილეთ ფოტოები:
