ცაგერის მუნიციპალიტეტის სოფელ დეხვირის საჯარო სკოლაში სხვადასხვა მნიშვნელოვან საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. ამ მიზნით კი არაერთი ღონისძიება იმართება.
ამჯერად, სკოლაში ტუბერკულოზთან ბრძოლის საერთაშორისო დღეს გამოეხმაურნენ.
თარიღთან დაკავშირებით, საინტერესო, შემეცნებითი პრეზენტაცია ჩაატარა სკოლის ექთანმა - სოფო ჩაფჩიძემ.
მან დამსწრე საზოგადოებას ამომწურავად გააცნო დაავადების გამომწვევი მიზეზები და პრევენციის გზები, რისი გათვალისწინების შემდეგ - ჩვენი გარემო გახდება მეტად უსაფრთხო ერთმანეთისთვის.
„ავამაღლოთ ცნობიერება, გავუფრთხილდეთ ერთმანეთის ჯანმრთელობას!“ - სლოგანად გასდევდა ეს სიტყვები ღონისძიებას.
24 მარტს, ყოველწლიურად, ტუბერკულოზთან ბრძოლის მსოფლიო დღე აღინიშნება, რომლის მიზანი დაავადებასთან დაკავშირებით საზოგადოების ცნობიერების ამაღლება და სტიგმის დაძლევაა.
იხილეთ ფოტოები:
