მცხეთის მუნიციპალიტეტის სოფელ ბიწმენდის საჯარო სკოლის მოსწავლეები გარემოს დაცვის მნიშვნელობას ნათლად აცნობიერებენ. სკოლაში წარმატებით მუშაობს ეკოკლუბი რომლის წევრებიც არაერთ ეკოაქტივობაში არიან ჩართულნი. 

ახლახან, ეკოკლუბელებმა წყლის რესურსების დაცვის საერთაშორისო დღე აღნიშნეს. მოსწავლეებმა გაიაზრეს წყლის დაზოგვის მნიშვნელობა, თუ როგორია მისი ბიოლოგიური და ეკოლოგიური როლი. გაიმართა დისკუსია წყლის დაბინძურების პრობლემებზე, მის გადაჭრის გზებსა და კლიმატის ცვლილების გავლენაზე. ამ დღის აღნიშვნის მნიშვნელოვანი ნაწილი გახდა დასუფთავების აქცია. 

აღსანიშნავია, რომ ამ დღის აღნიშვნა სკოლებში ხელს უწყობს მოსწავლეების გარემოსდაცვითი პასუხისმგებლობის გაზრდას და მათში წყლის რესურსების მოფრთხილებისა და დაზოგვის კულტურის ჩამოყალიბებას.