სენაკის მუნიციპალიტეტის სოფელ ნოქალაქევის საჯარო სკოლაში სასწავლო პროცესი გაჯერებულია საინტერესო საგანმანათლებლო ინიციატივებით, რაც როგორც მოსწავლეთა ცოდნის გამდიდრებას ისე მათი სასწავლო შემართების ამაღლებას ემსახურება.
21 მარტს, ნოქალაქევის საჯარო სკოლის საბუნებისმეტყველო მეცნიერებების კათედრის ორგანიზებით, მე-8 კლასში ჩატარდა კონფერენცია თემაზე - „ვინ იყო ალბერტ აინშტაინი?“.
კონფერენციას მასწავლებლები - ნაირა ბერულავა და ნონა წურწუმია ხელმძღვანელობდნენ.
კონფერენციაზე მოსწავლეებმა დამსწრე საზოგადოებას შეახსენეს ალბერტ აინშტაინის ბიოგრაფია და რელიგიური შეხედულებები. ისაუბრეს უდიდესი მეცნიერის აღმოჩენებსა და სამეცნიერო შრომებზე.
მონაწილეებმა ალბერტ აინშტაინის ბრძნულ გამონათქვამებზე და ციტატებზე შექმნილი ვიდეორგოლის ჩვენება გამართეს. გამოაცხადეს კონკურსი - „რომელი გამონათქვამი მოგწონთ“, რომლის გარშემო იმსჯელეს მასწავლებლებთან ერთად.
დასასრულს, სკოლის დირექტორმა, ნანა ჯგერენაიამ, საბუნებისმეტყველო მეცნიერებების კათედრის წევრებთან ერთად, მადლობა გადაუხადა მე-8 კლასის მოსწავლეებს საინტერესო და შემეცნებითი პრეზენტაციისათვის და სერტიფიკატები გადასცა.
იხილეთ ფოტოები:
